AkdaPamanaPanulaanBagong TaonShare Tula ni Teo S. Baylen(Unang nalathala: LIWAYWAY, Enero 9, 1956) Hayun…payao na ang abang MatandaSa dilim ng kanyang pinagmulang wala;Baon ay sambigkis na poot at sumpa,Katawa’y gusgusin sa pilat ng digma! Anino ng isang pangitaing guhoNa ang dinaana’y landas na may dugo;Ang ubaning ulo’y nagkakangyuyukoSa bigat ng kanyang pasang pagkabigo! Sa sanga ng daan nama’y pasalubongAng nagtatalalan na bilugang Sanggol;Ang kawalang-malay nito’y nagtatanong,At ang kasaguta’y nasa iyo ngayon. Anong pasalubong ang ipamamataSa Batang wala pang bahid ng pangamba?Inggit? Lupit? Banta?… o ang natitiraKay Pandorang kahong hintay ng lahat na? Ipamamalay ba nating magkapatidNa tayo kapuwa’y may sandatang sukbit?Ang musmos bang iya’y dapat makarinigNg ngipin sa ngiping naglangi-langitngit? Akayin ba natin ang Sanggol na itoSa daang may siga’t nagkalat na buto?Dapat bang marinig sa aki’t sa iyoAng daing ng isang dayukdok na mundo? O, ano nga kaya ang magiging handogNg sangkatauhang dinatnan ng lugod?Tungayaw o awit?…Sandata o Kurus?Kalapati kayang ipaiimbulog?
