Ni MIGUEL B. ALVARO
(Unang nailathala: LIWAYWAY, Abril 30, 1951)
Ang pinagmamasdan at pinanonood
Ay pag-aagawan
Ng alon sa pampang
Upang ang mauna’y magkadurug-durog
Sa paang matigas ng batuhang bundok;
Nag-uunahan,
Ako, sila, ikaw
Sa munting ligayang oras na madampot,
Ang ibinabayad ay mundong lungkot.
Ngunit di-madala ang along, paghampas
Sa paa ng bundok
Na hangad maabot
Itinutulak ding durog, basag-basag
Na bigung-bigo rin sa kanyang hinangad;
Tayo’y nangauntog
Sa kinaiimbot;
Ngunit narito ring sa may dayang galak
Na kinabigua’y nagpapakautas.
